વિક્રમ લેન્ડરે લેન્ડ થતી વખતે ખેંચેલી તસવીર મોકલી છે. લેન્ડર અને MOX-ISTRAC, બેંગલુરુ વચ્ચે સંચાર લિંક સ્થાપિત કરી લેવાયો છે. આ તસવીર લેન્ડર હોરિઝોન્ટલ વેલોસિટી કેમેરાથી લેવામાં આવી છે.
ચંદ્રયાન-3 ચંદ્રના દક્ષિણી ધ્રુવ પર સફળ લેન્ડિંગ કરીને ઈતિહાસ રચી દીધો છે. એવામાં લેન્ડર વિક્રમે ચંદ્ર પર પહોંચતા જ પોતાનું કામ શરુ કરી દીધું છે. વિક્રમ લેન્ડર લેન્ડ થતી વખતે ખેંચેલી તસવીર મોકલી છે. લેન્ડર અને MOX-ISTRAC, બેંગલુરુ વચ્ચે સંચાર લિંક સ્થાપિત કરી લેવાયો છે. આ તસવીર લેન્ડર હોરિઝોન્ટલ વેલોસિટી કેમેરાથી લેવામાં આવી છે.
Chandrayaan-3 Mission:
Updates:The communication link is established between the Ch-3 Lander and MOX-ISTRAC, Bengaluru.
Here are the images from the Lander Horizontal Velocity Camera taken during the descent. #Chandrayaan_3#Ch3 pic.twitter.com/ctjpxZmbom
— ISRO (@isro) August 23, 2023
ચંદ્ર પર સોફ્ટ લેન્ડિંગ કરનાર દુનિયાનો ચોથો દેશ હવે ભારત બની ગયો છે. ચંદ્રયાનનું લેન્ડર ચંદ્રના સાઉથ પોલ પર સફળતાપૂર્વક લેન્ડ થઈ ગયું છે. તો ચંદ્રયાનના સફળ લેન્ડિંગની સાથે જ ISROએ ટ્વીટ કર્યું છે. ISRO દ્વારા ટ્વીટ કરાયું કે- ભારત, હું મારા ડેસ્ટિનેશન પર પહોંચી ગયો છું અને તમે પણ. ચંદ્રયાન-3 મૂન પર સફળતાપૂર્વક સોફ્ટ લેન્ડ થઈ ગયું છે, અભિનંદન ઈન્ડિયા.
23 તારીખ કેમ પસંદ કરાઈ?
ચંદ્રયાન-3નું લેન્ડર અને રોવર ચંદ્રની સપાટી પર ઉતર્યા બાદ પોતાના મિશનને પાર પાડવા માટે સૂર્ય ઉર્જાનો ઉપયોગ કરશે.
ચંદ્ર પર 14 દિવસ સુધી સૂર્યોદય અને બીજા 14 દિવસ સુધી સૂર્યાસ્ત એટલે કે રાત હોય છે. જો ચંદ્રયાન ત્યાંના રાતના સમયે ઉતર્યું હોત તો તે કામ ન કરી શકત.
ISRO તમામ વાતની ગણતરી બાદ એ નિષ્કર્ષ પર આવ્યું હતું કે 23 ઓગસ્ટથી ચંદ્રના દક્ષિણી ધ્રુવ પર સૂર્યની રોશની ઉપલબ્ધ રહેશે.
ત્યાં રાત્રિના 14 દિવસનો સમયગાળો 22 ઓગસ્ટે સમાપ્ત થયો.
23 ઓગસ્ટથી 5 સપ્ટેમ્બર વચ્ચે દક્ષિણી ધ્રુવ પર તડકો રહેશે, જેની મદદથી ચંદ્રયાનનું રોવર ચાર્જ થઈ શકશે અને પોતાના મિશનને પાર પાડશે.
માઈનસ 230 ડિગ્રી તાપમાન
ISROના પૂર્વ ડાયરેક્ટર પ્રમોદ કાલેના જણાવ્યા મુજબ- ચંદ્રમાના દક્ષિણ ધ્રુવ પર તાપમાન માઈનસ 230 ડિગ્રી સુધી રહે છે. આટલી કડકડતી ઠંડીમાં દક્ષિણ ધ્રુવ પર ચંદ્રયાનનું કામ કરવું શક્ય નથી. આ કારણ છે કે 14 દિવસ સુધી જ્યારે દક્ષિણી ધ્રુવ પર તડકો હશે ત્યારે આ મિશનને પાર પાડવામાં આવે.
